97' 鄭兆聰鄭重聲明

一個年薪達百萬的足球員. 一記靚絕的香蕉形入球. 一班平時不看足球的女人都圍著談論的人.令到我們不得不找這位全港最高身價的球星做訪問.

" Ricky 想同你做個訪問. "
" 幾時? "
" 時間你定, 不過要到我們公司影相. "
" 咁遠? 要影幾耐? "
兩至三個鐘, 我們會為你準備靚衫, 替你重新包裝. "
" Ah...... "
對話過程維持冷淡, 對方猶豫未肯就範. 記者方醒覺剛才說一漏了一些要點.
" 對南華那球香蕉形入波好勁喎! "
" Hahaaaa...... 幾勁啦! Hahaa......"
" 咁你幾時得閒呢? "
" 星期五早上吧. "
原來要對付冷漠的人, 就要擊中他的靈魂.


" 如果你可以踢到我o既波, 你都可以拎我呢個人工, 問題在於你本身爭唔爭氣. "


不是夢想

相信每一個人的童年都有夢想, 大家可能會想過長大後做醫生律師老師或飛機師等, 不過往往長大後都未必實現, 所以才稱之為童年夢想. 但對現在成為一個全港最高薪的球星鄭兆聰來說, 就不可用夢想成真來言論. "我10歲o係哥斯達黎加街邊踢波時, 我已經可以感覺到我將來會成為一個職業足球員, 一個出色o既球員."


爭氣

常常都聽見人說在香港踢足球沒出息, 但鄭兆聰就以破香港紀錄的一百五十萬年薪由南華轉會快譯通, 全為全港最高身價的球員. 證明他10歲時的感覺沒有錯誤. "我覺得我呢次可以拎到咁高人工, 絕對可以刺激本地球員, 等所有球員知道如果你可以踢到我既波, 你都可以拎我呢個人工問題在於你本身爭唔爭唔氣. 但係你唔可以話我只係為錢, 因為足球就係一盤生意, 全世界都係."


應份

在聯賽揭幕戰倒戈對南華會的賽事堶, 鄭兆聰的表現大獲好評, 並射入一記令人難忘的香蕉形入球, 最終協助快譯通以5比4取勝, 一下子成為足球界的焦點, 但鄭兆聰自己就沒太大感覺. "我覺得踢得好同埋入波係每一個足球員應有o既本分, 所以我唔覺得自己好威. 我o係14-18歲踢哥斯達黎加青年隊鶧}重威, 除o左表現出色之外, 重連續四年成為球隊射手."


代價

鄭兆聰今天在球圈總算名成利就, 其實他覺得成功是需要代價的. "我o既生活可以話係好悶, 七成以上都係足球, 如果你只係要做一個普通球員, 冇所謂, 甚至晚晚去 wet 都得. 但係如果要做到我咁成功, 你就要用好多好多時間, 不過唔緊要, 因為我好鍾意足球, 所以對而家o既生活都好滿意. 加上我覺得自己的足球生命已開始邁向巔峰, 所以我會更加努力."


好球員

鄭兆聰的全家都在哥斯達黎加居住, 一個人回港發展他的足球, 朋友對他來說可謂相當重要, 而鄭兆聰對選擇朋友的條件亦有自己的一套. "我o既生活大部分時間都係足球, 所以朋友全部都係球員, 不過只得3,4個, 因為我係一個認真勤力o既球員, 如果你要我同d懶散o既人做朋友, 根本都傾唔到偈, 所以可以話同得我做朋友o既都係好球員."


小心女人

聽過鄭兆聰對足球, 金錢, 生活以及朋友的睇法後, 應該要談談愛情吧. "我而家冇女朋友, 可能自己o既要求高, 我唔會咁隨便, 呢方面我會好小心. 曾經有 fans 向我主動示愛, 我就立即同佢講清楚話冇可能, 唔係話 fans 唔得, 我揀女朋友最主要第一感覺, 係冇就係冇, 雖然我唔會刻意去搵, 如果遇到鍾意o既我都會主動, 不過都會好小心. 而且香港不過只係我工作o既地方, 我o既家始終都哥斯達黎加, 我諗我會o係退休後返去先結婚."


2.5次的笑容

據非正式統計在與Ricky訪問拍照的3個多小時堶, 在他面上出現的笑容只有約2.5次. 第1次是到達拍攝場地見到那部有35年歷史的人控貨糪. "Haha, 咩犦黎o架?" 第2次是換上我們為他準備的時裝時. "Haha, 如果著成咁真係唔敢出街呀!" 最後就是因為整個拍照過程我們叫他只須自我真情, 怎料他由頭到尾都一個表情, 所以我們最後惟有迫他笑了, 因為不是發自內心, 所以勉強只能當半次.

* 其他bossini相關圖片,詳見 私人珍藏 ~ 兆聰篇