97' 完全接觸鄭兆聰

最近正式成為香港代表隊成員的鄭兆聰, 球場上表現頂呱呱, 更接拍了一個時裝廣告, 到處都可以見到他的靚仔相. 今次我們帶你去探探Ricky的家居.


千呎大屋一個住

鄭兆聰回港後一直都住o係親戚屋企, 最近終於可以獨立o剌! 以萬多元月租在港島租o左一個千多呎o既單位, 但係 Ricky 重話 : "地方都係細o左d, 同哥斯達黎加差好遠!"



睇下海景睇下書

Ricky 話平時o係屋企最鍾意就坐係窗台邊, 一邊睇下個無敵大海景, 一邊睇下雜誌, o個份感覺真係悠然自得.


一間房專擺波衫

o係Rickyo既千呎大屋裡面, 總共有四間房, 除o左睡房, 書房同雜房之外, 重有間用o黎擺衫o既, 但因為係足球員兼有贊助, 所以九成以上都係運動衫.


人肉Nicam機

Ricky精通多國語言, 除o左英之及中文之外, 連西班牙, 荷蘭同葡萄牙文都識, 所以佢連睇雜誌都係唔同國家語言o既. 不過, 點解全部係女人八卦書o既?


Fans禮物擺滿房

Ricky 咁有型又好波, 梗係收到好多女Fans送俾佢o既禮物, 而 Ricky 話都好感激 fans o既愛戴, 所以佢將所有 fans 送俾佢o既禮物都擺晒o係睡房.



最緊要心思同心意

Ricky 話 fans 送禮物最緊要講心思同心意, 好似呢幅 fans 親手畫o既畫就最得 Ricky 歡心o剌, 重將佢擺o左係床頭添.



孤家寡人食自己

Ricky o係香港冇乜親戚, 又未搵到女朋友, 所以一日三餐通常都會自己煮,話晒佢老竇鄭國根o係哥國開餐館, 所以 Ricky 煮o野都似模似樣o架, 你睇懮\煎隻蛋幾靚仔.




最掛住屋企人

Ricky 話雖然鍾意香港o既生活, 但係佢始終好掛住屋企人, 所以一有時間就會飛返去哥國屋企, 就算返到去冇乜特別o野做, 淨係同老竇傾下偈食下飯都好開心, 所以o係床頭都擺o左張同屋企人合照o既相.