近幾個月, 雯雯都收到唔少Eric Fans o既來信, 猛問失蹤o左一排o既孫耀威, 究竟去左邊? 幾時會再出o黎同歌迷見面? 新唱片幾時推出?...等問題. 咁多人掛住Eric, 雯雯當然不負大家所望, 專誠搵o左佢o黎講近況, 等各位Eric Fans 唔使再心掛掛o麻!
"Eric, 咁耐冇見, 究竟呢排你做緊o的乜o野呀?"
"雖然最近我冇實質o既工作做, 但我o的生活都好充實, 一o的都冇偷懶到, 一得閒就好努力咁健身, 操Fit自己, 準備隨時再戰樂壇. 除此之外, 仲會打下網球同 Golf 添."
"Eric, 乜你唔係淨識打籃球咩? 你個樣唔似會打Golf 喎!"
"籃球係我至愛之一, 但其他運動我都好鍾意, 好似Golf 咁. 近呢一兩年我都成日玩, 有成套自己顊olf 設備, 以前去台灣做宣傳時, 我都會帶埋過台灣打, 打得多技術唔錯架, 有機會我教o下你!"
"咁幾時你會出返o黎唱歌呀? 好多Fans寫信o黎問, 話等得好心急."
"我o的合約o岩o岩完o左, 最近我傾緊新o既經理人, 有幾間公司都搵過我, 但暫時我都未決定簽邊間好, 不過我相信好快就有答案, 因為我希望可以9月出廣東碟o麻!"
"台灣方面又點呀?"
"台灣o既唱片合約亦都係o岩o岩完o左, 之前出儱s碟"愛有借有還"可以話係我舊公司o既最後一張唱片, 至於續約與否, 我想安頓o左香港呢邊o既工作至決定. 不過好開心係出呢隻碟時, 可能之前我亦都太耐冇見台灣歌迷, 所以當有簽名會舉行時, 佢o地都好躍踴參加, 原本我]估計得千幾人o黎, 結果當日有成三千幾人. 正因為人太多, 附近馬路都因此而交通癱瘓, 結果要出動到警察o黎維持秩序, 佢o地對我咁熱情同支持, 我真係好感動o架."
"咁日本呢? 聽聞因為上次o個件不愉快事, 令你決定放棄日本市場, 究竟係唔係呀?"
"唔好話放棄咁嚴重, 其實只不過暫時停止o者, 事關日本公司o既約又係咁o岩完o左, 所以我希望處理晒所有合約, 至再次到日本發展. 話晒我放o左咁多時間同心機演出, 而家至有o的成績, 起碼出過三隻日文碟, 叫做有o的人識, 我唔會咁輕易放棄之前打落o既根基. 況且我都好鍾意日本呢個地方, 除o左上次好唔好彩, 遇到個咁差o既工作人員之外, 基本上大部分日本人都好有禮貌, 好Nice, 所以可以o既話我都想再次去日本工作."
"仲有一樣你o的歌迷都好想問o既, 就係你話你個Fan Club會重組, 咁大約會係幾時o既事?"
"由於之前Fan Club由唱片公司策劃, 但到我一約滿, 好多資料就會唔見o左, 為防再次有咁翵けo生, 我打算自己處理Fan Clubo既事, 而且仲諗住會統一所有地方例如台灣, 美加, 東南亞等地顄an Club, 其實呢件事我已經密切籌備中, 一有消息, 我仲要麻煩雯雯你幫我宣傳o架!"